حوار بين اثنين سمعهم تقيل من منتدى الامورة ميرنا

الإثنين أغسطس 03, 2009 2:44 pm

الاثنين واقفين عند محطة اتوبيس

الأول : الاتوبيس ده بيروح مصر الجديدة؟

الثاني : على الحديدة !!... ليه انت طالب احسان؟

الأول : بذرة الكتان !! لا ..دي تلاقيها عند العطار

الثاني : جزار !! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر؟

الثاني : رأس البر !!! ..ده مــصيف هادي

الأول : عايز تركب للمعادي... دي منطقة جميلة

الثاني : بليلة ؟!! انت شكلك كده جعان

الأول : عيان ؟!!! أي والله .انت باين عليك عيان ..طيب ما تروح للدكتور

الثاني: الحنطور !! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! يانهار اسود .. ده مرض خطير

الأول : لا والله مش عايز.؟ وبعدين مش بأحب الفطير.. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت !؟

الثاني : لا والله ..ممعاييش.. انت عايز الكبريت ليه ..؟ عايز تولع؟

الأول : أدّلع ! أدّلع عليك انت !؟ انت ما تملاش عنيا

الثاني : يقبضوا عليا !! ليه !؟

الأول : انت غريب يا راجل انت..شكلك شحات

(يدفعه من القميص)

روح اشتغل شغلة تاكل منها عيش

الثاني : خيش !! والله ده صوف انجليزي

الأول: بنتك زيزي !!! ربنا يخلّي

الثاني : إنتاج محلي !!! ده مستورد

يمر شاويش ... يلفت انتباهه الحوار، : بتعمل ايه يا جدع منك له!!!

الاتنين: مافيش يا شاويش ...احنا مستنيين الأتوبيس

الشاويش : نهاركم مش فايت .... جواسيس !!! قدامي على القسم

[ندعوك للتسجيل في المنتدى أو التعريف بنفسك لمعاينة هذه الصورة]

الأحد أغسطس 16, 2009 8:16 pm

THANK YOU

الأحد أغسطس 16, 2009 8:47 pm

[ندعوك للتسجيل في المنتدى أو التعريف بنفسك لمعاينة هذه الصورة]

وبجد نورتى المنتدى وكلنا فرحانين بوجودك معنا

حوار بين اثنين سمعهم تقيل من منتدى الامورة ميرنا

حوار بين اثنين سمعهم تقيل من منتدى الامورة ميرنا

رد: حوار بين اثنين سمعهم تقيل من منتدى الامورة ميرنا

رد: حوار بين اثنين سمعهم تقيل من منتدى الامورة ميرنا